2023 жылғы 31- ші мамырдағы № 426 қаулысымен Қазақстан Республикасындағы мереке күндерінің тізбесі 12 мамыр - «Аналар күні» мерекесімен толықтырылды. Бұл мереке әр адам үшін айтулы күн,себебі адам үшін ананың орны ештеңемен бағаланбайтын асыл дүние. 10 мамыр күні аудандық кітапханада «Аналар күні» мерекесі қарсаңында күміс алқа игерлерімен кездесу өтті. Аталған іс-шараның мақсаты: әйел-ананың қоғамдағы, отбасындағы, жас ұрпақты тәрбиелеудегі рөлін айқындап, отбасылық құндылықтарды дәріптеу. Кез келген халықтың өз алдына ұлт болып ұйысуына, егемен ел, дербес мемлекет болып қалыптасуына, ұлттық сана-сезімі қалыптасқан, ұлттық мүдденің өркендеуіне үлес қоса алатын, ұлттық құндылықтар мен жалпыадамзаттық құндылықтарды өзара ұштастыра алатын толық кемелді, ұлтжанды тұлғаны тәрбиелеуде әйел – аналардың еңбегі орасан зор. Өмірге ұрпақ әкеліп, оларды тәрбиелеп өсіруде үлгі болып жүрген аналарымыз біздің аданымызда да бар. «Күміс алқа» иегері атанған, өмірлері өнегемен өрілген алтын құрсақты аналардың қатарынан атаулы кездесудің қадірлі қонағы Сәуле Омарова және Гүлім Такыбаева болды. «Жангелдин ауданының мәдениет және тілдерді дамыту бөлімі» ММ.