“Торғай – тұлғалар мекені” поэзия фестивалі өтті! 18 шілде күні киелі Торғай жерінде руханият пен өнердің үлкен мерекесі бастау алды. Поэзияның мөлдір әлеміне жол ашқан бұл шара – қазақтың біртуар тұлғаларын ұлықтау, ұрпақ санасына сөз өнерінің киесін сіңіру жолындағы маңызды қадам.

Фестиваль аясында қонақтарымызды салтанатты түрде қарсы алып, Арнайы ұйымдастырылған көрмемен таныстырдық. Өлке тарихын, сөз зергерлерінің өмірі мен шығармашылығын арқау еткен экспозициялар көпшілікке терең әсер сыйлады. Бұл – жай ғана шара емес. Бұл – жүректен жүрекке жеткен жыр. Бұл – Торғай топырағының тектілігін, өнер мен сөзге деген іңкәрлігін дәлелдейтін рухани кеңістік.